Dalangin sa Maykapal

 Bawat isa sa atin ay may daanan

Patungo sa kanya-kanyang kapalaran

Maraming di magagandang kalagayan

Na marami ay sadyang nahihirapan

Ang buhay ay maraming kabiguan

Mga bagay na mahirap maintindihan

Harapin natin ng buong katapangan

Upang makamit ating kaligayahan

Diyos ko, sana kami ay patnubayan

Sana’y ilayo kami sa kasalanan

Umaasa matamo ang kaharian

At ika’y makapiling ng walang hanggan

[ Ginawa ko to para sa takdang-aralin namin sa Filipino. Ang gumawa ng isang tula na may kaugnay sa tulang Panambitan na sinalin ni Ma. Lilia F. Realubit at orihinal na ginawa ni Myrna Prado. Ito ay may labin-dalawang pantig at may tugmaang A-A-A-A ]

These are my captures with just using my cellphone.

 

 [ Samsung Champ] Hihi! :))

High school Love

            Sa mga panahon ngayon, marami na ang mga mag-aaral na nasa High School  ang nagkakaroon na ng crushes at pumapasok na sa relasyon. Marami ding mga magulang ang kumukontra dito. Kahit crush lang yan hindi talaga sumasang-ayon ang ating mga magulang lalaong-lalo na kapag relasyon ang pinag-uusapan. Tanong ng nakararaming estudyante, “bakit? Crush lang naman yan eh o love lang nama yan eh”. Para sa atin kasi ang babaw lang ng mga yan ngunit para sa ating mga magulang, buhay at kinabukasan ang tinataya.

            Tingnan mo ang ibang mag-aaral na may ka relasyon, bumababa ang grades at sa mga kabataan sa lipunan maraming nabubuntis ng maaga, may tinatawag tayong mga inang hindi asawa at parami ng parami ang mahihirap. At iilan sa ating mga magulang natin ay nakaranas ng mga yun kung kaya ganun sila mag-react kasi ayaw nilang maghirap din tayo.

            Ngunit, yun lang naman ay mangyayari kapag naglalakad tayo patungo sa kinabukasan gamit ang maling paraan. Hindi sa lahat ng panahon nakakasama sa buhay o kinabukasan ang high school love. Hindi sa lahat ng panahon ganun ang nangyayari sa mga kabataan.

            May mga mag-aaral din naman na kahit may ka-relasyon, matataas ang grades at may magandang buhay. Kapag ikaw ay nasa isang relasyon at high school ka pa lang, may mga bagay talaga na dapat mong tandaan at gawin. Kapag alam mong may magandang patutunguhan ang relasyon niyo kasama ang ka-relasyon natin magiging maganda ang resulta. Dapat lang kapag nasa classroom tayo iwan natin talaga ang buhay love life sa pinto ng classroom para makapag-focus tayo, lalong-lalo na kapag may problema. Wag natin isiping distraction ang love life, maging optimistic tayo at gawin nating inspirasyon ang love life natin. Dapat isipin natin ang para sa kinabukasan natin, na dapat mas mag-aral ng mabuti para hindi maghirap sa pagdating ng panahon. At higit sa lahat, manalangin tayo sa Panginoon na patnubayan tayo na magiging maganda ang patutunguhan ng relasyon at patnubayan tayo sa lahat ng disisyon na ginagawa natin.

            Kapag alam mong hindi mo kayang hawakan ang buhay mag-aaral kasama ang love life, wag ka nalang pumasok. Mas nakabubuti pa sayo na mag focus lang muna sa pag-aaral at sundin ang sinasabi ng mga magulang mo.

“KORUPSYON”

            Isa sa mga lumalala at napakahirap lutasin na problema ng bansa ay ang korupsyon. Ito na ata ang sakit ng lipunan na walang lunas.  Isa ito sa napakaraniwang salita na naririnig natin sa bawat sulok ng mundo, sa lugar ng buhay at sa lahat ng tao sa daigdig.

            Kapag narinig natin ang salitang korupsyon, pulitika agad ang naiisip natin. Mga pulitiko agad ang mga naiisip nating bida sa mga ganito. Pero sa totoo hindi lang sila ang sangkot dito. Sa inyong tahanan, paaralan, at opisina talagang nabubuhay ang korupsyon. Pagnanakaw ng isang piso ng barya sa bulsa ng iyong ama, pagdaraya sa iyong guro sa panahon ng pagsusulit at hindi paggawa ng iyong mga responsibilidad ng mabuti sa iyong opisina ngunit kumikita ka parin ng kumpletong suweldo ay ang mga napaka-karaniwang halimbawa.

            Ngunit bakit ang tao ay nasasangkot sa korupsyon? Iilan sa maraming dahilan ay dahil ito ay paraan upang makuha o makamit ang kanilang ninanais, magkaroon ng desenteng buhay, at ang kasakiman sa pera at posisyon. Ngunit hindi ba nila nalalaman na dahil sa ginawa nila may nagdudusa. Nagiging masaya nga sila, pero may nasasaktan at nalulungkot din. Maraming mga tao ay labis na naghihirap ngunit ang mga namumuno sa pulitika ay nagpapakasaya sa pinto ng mundo ng kasiyahan at kapangyarihan. Pagiging makasarili ang ugat ng lahat na ito.

            Ang korupsyon ay nabubuhay nuon, nabubuhay ngayon at maaaring  magpatuloy sa susunod na panahon kung tayong mga nasa bagong henerasyon ay hindi gagawa ng paraan upang masugpo ito. Sabi nga ni Dr. Jose Rizal na ang Kabataan ang Pag-asa ng Bayan, kung hindi naggawa ng mga naunang henerasyon ito dapat na natin simulan ngayon. Maghihintay pa ba tayo sa kataas-taasan na sila mismo ang hindi tumutupad? Gumawa na tayo ng aksyon at labanan ang korupsyon.